Ferðamaður dottin í haganum

Seinnapartin í gjár mátti sjúkrabilur sendast eftir einum útlendskum ferðamanni, sum hevði fingið skaða, meðan hann gekk í Hvannhaga.

Talan var um eitt týskt par, sum var farið ein túr í hagan, og har hevði maðurin verið áhaldsin og hevði helst brotið fótin, sigur vaktleiðarin á løgreglustøðini í Havn.

Parið var longu komið langt oman aftur, tá bjargingarfólk vórðu boðsend.

Maðurin varð koyrdur á Suðuroyar Sjúkrahús.