Ferðsluóhapp í Kollafirði - trý fólk koyrd á sjúkrahúsið

Í gjárkvøldið klokkan 18 var eitt ferðsluóhapp í Kollafirði, har tveir bilar stoyttu saman.

Trý fólk vóru koyrd á sjúkrahúsið til kanningar. Ein hevur møguliga brotið hondina, og viðkomandi hevði eisini pínu í rygginum. Meira veit løgreglan ikki um støðuna hjá teimum, sigur vaktleiðarin á løgreglustøðini í Havn.

Málið verður kannað, og fleiri avhoyringar skulu gerast fyri at fáa greiðu á, júst hvat er hent. Higartil er eingin skuldsettur í málinum.