Ferðsluóhapp í Norðskálatunlinum

Stutt fyri klokkan tvey fekk løgreglan boð um, at eitt ferðsluóhapp hevði verið í Norðskálatunlinum. Talan var um ein bil, sum rendi á ein annan.

Enn hava tey eingi boð fingið um fólkaskaða, sigur vaktleiðarin á politistøðini.

Løgreglan er á staðnum og leiðir ferðsluna í gjøgnum tunnilin. Eitt sindur av olju kom eisini á vegin, og varð boð sostatt eisini sent eftir sløkkiliðnum.

Dagført kl. 15.00