Festivalar og ólavsøkan í vanda

Mette Frederiksen, danskur forsætisráðharri, kunngjørdi í kvøld at savningarforboðið fer at standa við til og við august mánað.

Hetta er ikki galdandi fyri Føroyar enn, men tað kann hugsast at føroyskir myndugleikar fara at koma við líknandi boðum í morgin ella mikudagin.

Um so verður, so eru festivalar og enntá ólavsøkan í vanda fyri at vera avlýstir. Í øllum førum verða hesi tiltøkini ikki sum vit kenna tað við fólkum í hópatali í Syðrugøtu, á Vágsbøi, oman og niðan eftir Áarvegnum, og felagssangi á Vaglinum.