Fíggjarlógin til 1. viðgerð í dag

Nú klokkan 10 verður tingfundur, har framløga og 1. viðgerð av fíggjarlógaruppskotinum fyri 2027 eru á skránni.

Uppskotið til fíggjarlóg fyri 2027 varð lagt fram 30. september.

Sambært uppskotinum verða inntøkurnar 8.076,8 milliónir krónur, og útreiðslukarmurin er 8.038,3 milliónir krónur. Tað merkir, at 38,5 milliónir eru í avlopi.

Av útreiðslunum fara 7.457,7 milliónir til rakstur, og 580,6 milliónir krónur eru løgur og løgukendar útreiðslur.

Uppskotið til løgtingsfíggjarlóg fyri 2027 sæst her

Til ber at fylgja við tingfundinum her