Fimm nýggir tilburðir í gjár

Í gjár vórðu fimm nýggir tilburðir staðfestir, vísa nýggjastu tølini hjá landslæknanum.

Allir persónar eru smittaðir í Føroyum. Í tveimum førum er smittukeldan ókend, meðan smittukeldan er kend í hinum trimum førunum, skrivar corona.fo.

Seinasta samdøgrið eru trý fólk eisini staðfest frísk, og sostatt hækkar talið á positivum í løtuni bert upp í 34.

609 kanningar vóru gjørdar seinasta samdøgrið. 252 fólk eru í sóttarhaldi.