Innanlands

Finn Jakobsen er nýggjur forstjóri hjá Magn

Finn Jakobsen, sum er 53 ára gamal og útbúgvin sterkstreymsverkfrøðingur og elektromekanikari, hevur seinastu umleið fýra árini verið tekniskur stjóri hjá Magn

Finn Jakobsen (Mynd: Jens Kr. Vang)

Finn Jakobsen (Mynd: Jens Kr. Vang)

2020-07-30 16:50 Author image
Tíðindaskriv
placeholder

Magn hevur fingið nýggjan forstjóra. Nevndin í Magn hevur gjørt av at seta Finn Jakobsen í starv sum forstjóri í felagnum.

Finn Jakobsen, sum er 53 ára gamal, hevur seinastu umleið fýra árini verið tekniskur stjóri hjá Magn.

Eisini hevur Finn Jakobsen starvast hjá SEV í nógv ár, fyrst sum verkfrøðingur og síðan sum rakstrarleiðari. Harumframt var hann eitt tíðarskeið í starvi hjá ráðgevandi verkfrøðingafyritøku í Danmark. Finn Jakobsen er útbúgvin sterkstreymsverkfrøðingur og elektromekanikari.

Nógvir væl skikkaðir umsøkjarar vóru til starvið sum forstjóri, sigur Jens Meinhard Rasmussen, nevndarformaður í Magn, sum fegnast um stóra áhugan fyri fyritøkuni.

Fremsta uppgávan hjá forstjóranum verður at tryggja, at Magn framhaldandi verður ein sterkur orkuveitari í Føroyum. Eisini skal hann standa fyri skiftinum til grøna orku, millum annað við vindmyllulundini í Flatnahaga.

– Vit meta, at Finn Jakobsen hevur røttu førleikarnar at standa á odda fyri Magn og møta teimum avbjóðingunum og møguleikunum, sum liggja fyri framman. Sum tekniskur stjóri hevur Finn Jakobsen havt ein týðandi leiklut í at menna grønu orkuloysnirnar hjá Magn. Harumframt hevur hann drúgvar leiðsluroyndir og hevur neyvt innlit í øll rakstrarøkini hjá Magn, sigur Jens Meinhard Rasmussen, nevndarformaður í Magn.

placeholder
placeholder