Flaggdagshald í Vági seinnapartin

Í dag er flaggdagur, og eins og aðrastaðni í landinum, so hava vanliga skótalið og onnur skipa fyri flaggdagshaldi. Men í ár er alt øðrvísi, nú tilmælini eru ikki at savnast fleiri enn 10 í bólki.

Í Vági verður kortini flaggdagshald í dag. Tað er Skótaliðið Royndin, sum skipar fyri, og hesaferð verður flaggdagshaldið sent beinleiðis á netinum.

Í ár verður tað vinnulívs- og løgtingsmaðurin fyri Sambandsflokkin Erhard Joensen, ið kemur at flyta fram røðu.

Tiltakið byrjar kl. 17.00 og verður víst her.