Fleiri deyð í ukrainskum dronuálopi

Fýra fólk eru deyð eftir ukrainiskt dronuálop í Russlandi seinasta samdøgrið.

Tað sigur Vjatsjeslav Gladkov, ríkisumboðsmaður í býnum Belgorod, sambært Reuters.

Hetta skrivar Danmarks Radio á heimasíðuni.

Umframt tey fýra deyðu, eru 20 fólk særd í ymsum álopum, umframt at bústaðarøki og týðandi undirstøðukervi eisini skulu vera rakt.

Sambært Reuters sigur russiska verjumálaráðið, at luftverjuskipanir teirra hava skotið 38 dronur niður í nátt.

Álopini í Russlandi koma eftir ógvuslig álop móti fleiri ukrainskum býum mánadagin, tá 37 fólk doyðu.

Ukrainski forsetin, Zelenskyj, hevur sagt at aftursvar fór at koma.