Fleiri enn 100 smittað í løtuni

Í løtuni eru 102 smittað við korona í Føroyum (harav 32 útlendingar, sum longu eru farnir av landinum aftur), upplýsir landslæknin í morgun.

Tilsamans eru 295 tilburðir nú staðfestir í Føroyum. Hetta byggir á fleiri enn 46.000 kanningar, sum nú eru greinaðar.

Av teimum, sum eru skrásett smittað í Føroyum, eru 193 staðfest frísk.

Fleiri enn 700 fólk eru nú í sóttarhaldi, og eingin koronasjúklingur er í løtuni innlagdur.

Enn eru allar kanningarnar, sum vórðu gjørdar í gjár, ikki greinaðar.