Fleiri enn 600 fólk til brunsj í Hósvík

Leygarmorgunin bjóðaði Sunda kommuna til brunsj í bygdarhúsinum í Hósvík í sambandi við, at tað eru mentanardagar í kommununi.

Undirtøkan var so góð, at tá leið móti middegi fór maturin at ganga undan, skrivar heimasíðan hjá Sunda kommuna. Mett varð, at fleiri enn 600 fólk møttu til tiltakið, sum er tað mesta nakrantíð. Kommunan fegnast um ovurstóru undirtøkuna. 

Ævintýraferðin var framførd í Hósvíkar skúla, og børnini hugnaðu sær óført. 

Mynd: Sunda.fo