Fleiri handtøkur í rán- og rúsevnamáli

Løgreglan hevur handtikið fýra mans, sum eru ávikavíst 23, 24, 28 og 46 ára gamlir. Handtøkurnar eru framdar í Føroyum og í Danmark.

Allir verða teir skuldsettir fyri brot á revsilógina viðvíkjandi smugling av rúsevnum og viðvíkjandi ráni móti einum persóni í Føroyum.

Menninir verða framstillaðir í grundlógaravhoyring í Føroyarætti seinnapartin klokkan 13.15.

Við atliti til avgerð í Føroya Rætti, og víðari kanningararbeiði, ber fyribils ikki til at kunna meira um málið, sigur løgreglan í tíðindaskrivi.