Fleiri í Havn mistu streymin í nátt

Beint áðrenn midnátt í gjárkvøldið mistu Havnardalur og partar av vesturbýnum í Havn streymin. Tey fyrstu fingu streymin aftur 45 minuttir seinni, og tey seinastu fingu streymin aftur kvart yvir tvey í nátt.

Tað var eitt kaðalbrek, sum elvdi til streymslitið, sigur Hákun Djurhuus, stjóri á SEV. 

Fólk frá SEV fóru beint í gongd við at finna feilin, og brekið varð skjótt rættað.