Fleiri tiknir fyri rúsdrekkakoyring um vikuskiftið

Hetta vikuskiftið hevur løgreglan tikið fýra bilførarar fyri rúsdrekkakoyring. Tveir í Havn, ein í Klaksvík, og ein á Strondum.

Tíðliga leygarnáttina varð ein tikin fyri at koyra ávirkaður í høvuðsstaðnum, og umframt hetta varð hann eisini skuldsettur fyri at koyra uttan koyrikort, tí tað hevði hann nevniliga longu mist.

Sunnunáttina vórðu tveir bilførarar tiknir - ein í Havn, og ein í Klaksvík, og sunnudag fyrrapart var aftur ein tikin fyri rúsdrekkakoyring á Strondum. Blóðroynd varð tikin, og bíðað verður nú eftir úrslitinum, sigur løgreglan.