Føroya Arbeiðsgevarafelag gjørt semju við Finansforbundet

Føroya Arbeiðsgevarafelag og Finansforbundet undirskrivaðu fríggjadagin nýggjan sáttmála.

Sáttmálin er longdur í tvey ár, og lønarhækkingin er 3,20% 1. árið og 2,56% 2. árið. Harumframt vóru aðrar broytingar og tillagingar í sáttmálanum.

Talan er um sama karm, sum semja hevur verið um á privata arbeiðsmarknaðinum í hesi samráðingarrundini, sum byrjaði 1. mai 2018, skrivar Vinnuhúsið á heimasíðuni.