Føroyingar kunnu fara til Íslands uttan at noyðast í sóttarhald

Tað eru ávís krøv, tá ein kemur til Íslands. Tey verða herd frá 15. juni kom fram á tíðindafundi íslendsku stjórnini í gjár. 

Um ein ikki hevur prógv fyri, at ein ikki er smittaður við korona, tá komið verður til flogvøllin í Keflavík, skal ein potast ella fara í í sóttarhald. Neyðugt er eisini at nýta eina app á telefonini, ið sigur, hvar ein hevur verið, í fall at smitta rakar. 

Alt hetta verður tó ikki galdandi fyri fólk, sum koma úr Føroyum ella Grønlandi. Eingin koronasmittaður er í løtuni, her ella í Grønlandi, og frá fríggjadegnum 15. mai verða Føroyar og Grønland ikki á listanum yvir vandaøki hjá Íslandi. Tað merkir, at fólk sum koma úr Føroyum ella Grønlandi hava frítt at fara í Íslandi.

Les eisini: Fleiri evropeisk lond lata síni landamørk upp