Føroysk fyritøka í Danmark vunnið heiður

Føroyingurin Johannis Lydersen, sum býr og virkar sum elektrikari í Frederikshavn í Danmark, er júst kosin Ársins Handverkari 2020 innan el-inlegging.

Tað er fyritøkan hjá Johannis Lydersen, JJ Electrical Consulting ApS, sum hevur fingið heiðurin.

- Vit stríðast hvønn dag fyri at veita eina góða tænastu, so vit eru sjálvandi errin av at verða kosin vinnari, sigur Johannis Lydersen.

Handverkarafyritøkur í 24 ymsum handverksgreinum vóru við í finaluni at vera kosin ársins handverkari. Tað er heimasíðan Anmeld Håndværker, sum stendur fyri kjósanini.

Fleiri túsund handverkarafyritøkur verða á hesi heimasíðuni leypandi ummældir av kundunum.