2022-12-18 17:39
Jenis av Rana kom í eitt veruligt ódnarveður í donskum miðlum tá hann undir fólkatingsvalstríðnum hevði eina útsøgn um Søren Pape Poulsen.
- At liva sum homoseksuellur er í stríð móti tí grundlóg, sum eg havi, sum Miðflokkurin hevur, og sum eg haldi eisini Føroyar hava, segði Jenis av Rana í útvarpinum 25. oktober.
Útsøgnin hevur fingið Ekstrablaðið at tilnevna formannin í Miðflokkinum til ársins nýggjarstosk, sum lesarar hjá blaðnum kjósa á hvørjum ári.
Onnur sum eru tilnevnd eru millum annað nettupp Søren Pape Poulsen, Barbara Bertelsen, og Rasmus Prehn.
Á ekstrabladet.dk verður Jenis av Rana lýstur sum føroyski imamurin.
Vinarliga broyt tínar kennifíla - og privatlívsstillingar fyri at síggja hetta innihald