Fóru til hendurs á arbeiðsplássi

Í gjár varð løgreglan boðsend á eitt arbeiðspláss í Sandoynni, har tveir mans vóru farnir til hendurs orsaka av ósemju av einumhvørjum slag.

Løgreglan kannar nú málið nærri.

Talan var ikki um starvsfelagar beinleiðis, men millum tvey starvsfólk frá hvør sínum arbeiðsgevara, sum arbeiddu á sama stað, upplýsir vaktleiðarin hjá løgregluni.

Einki verður upplýst um skaði stóðst av ósemjuni, men óansæð um ein fær skaða ella ikki, so skal ein aldri góðtaka at verða álopin, staðfestir vaktleiðarin hjá løgregluni turrisliga.