Framvegis bert tveir smittutilburðir

Fríggjadagin varð kunngjørt á tíðindafundi, at tilmæli um sóttarhald eftir komu er tillagað, men at tað framvegis bert er møguligt at savna 500 fólk.

Dagin eftir varð ein nýggjur koronutilburður staðfestur, men dagin eftir fór talið av tilburðum niður á tveir, tí at fýra persónar vórðu staðfestir frískir.

Soleiðis er støðan framvegis. Eingin nýggjur smittutilburður varð staðfestur í gjár. Tað vísa nýggjastu tølini hjá Landslæknanum.

888 kanningar vórðu gjørdar seinasta samdøgrið. Tilsamans eru nú gjørdar 260.878 kanningar.

670 persónar hava fingið staðfest smittuna í Føroyum. 667 persónar eru nú staðfestir frískir aftur. Higartil er ein persónur deyður við koronu í Føroyum, skrivar corona.fo