Alda Nielsdóttir
Framyvir krevst undirtøka frá einum meiriluta av tingmanningini hjá Sambandsflokkinum, um ein tinglimur úr flokkinum skal vera við til at leggja eitt uppskot fram.
Tað sigur Bárður á Steig Nielsen, formaður í Sambandsflokkinum við Kringvarpið, eftir at floksleiðslan og forfólkini í lokalfeløgunum fundaðust um støðuna í flokkinum í gjár.
Tað hevur elvt til innanhýsis stríð í Sambandsflokkinum, at ein tinglimur fyri flokkin - Eyðdis Hartmann Niclasen - hevur verið við til at leggja uppskotið um broyting í fosturtøkulógini fram aftur.
Tvey valevni, sum stillaðu upp fyri flokkin á seinasta vali - Áron Sofus Vest og Edva Jacobsen - eru farin úr flokkinum, og fyrrverandi næstformaðurin og núverandi tingmaður fyri flokkin, Helgi Abrahamsen hevur eisini hótt við at fara úr flokkinum.
Helgi Abrahamsen er tó nøgdur við niðurstøðuna frá fundinum í gjár. Tað sigur hann við VP.
Vinarliga broyt tínar kennifíla - og privatlívsstillingar fyri at síggja hetta innihald