Fýra tiknir fyri at koyra ávirkaðir

Seinasta samdøgrið hevur løgreglan tikið fýra bilførarar fyri rúsdrekkakoyring.

Tveir vórðu tiknir í Eysturoynni ávikavíst leygarmorgunin og beint fyri midnátt leygarkvøldið, og tveir aðrir vórðu tiknir í Havn í nátt.

Blóðroynd er tikin av teimum, og bíðað verður nú eftir úrslitinum, sigur vaktleiðarin á løgreglustøðini í Havn.