Fýra túrar hjá Hasfjord um Skopunarfjørð fella burtur fyrrapartin í morgin

Av tí at Ternan er á beding, og Jósup røkir vanligu siglingina um Nólsoyarfjørð, so ger Hasfjord nakrar farmatúrar um Nólsoyarfjørð.

Hetta merkir, at nakrir túrar hjá Hasfjord um Skopunarfjørð fella burtur. Í morgin siglur Hasfjord av Havnini klokkan 9:15 og úr Nólsoy klokkan 10:00.

Vegna farmatúr til Nólsoyar í morgin, mikudagin 4. november, fella fylgjandi túrar burtur á leið 85:

Úr Skopun kl. 08:30

Av Gomlurætt kl. 09:15

Úr Skopun kl. 09:45

Av Gomlurætt kl. 10:30.

Siglt verður aftur úr Skopun kl. 11:15.