Innanlands

Týskt ikki upptøkukrav á miðnámi longur

Hetta hevur Bárður á Lakjuni broytt í kunngerð. Við at sleppa upptøkukravinum vónar landsstýrismaðurin, at fleiri fara at velja hugbreytina á gymnasialum miðnámi..

2026-11-20 09:00 Author image
Agnar Prestá
placeholder

Áður hevur ein veruliga verið noyddir at hugsa seg um og valt týskt, um ynski var at fara á hugbreyt - fyrr málsligu deild - á miðnámi.

Men nú verður tað ikki longur neyðugt í Føroyum.

'Bárður á Lakjuni, landsstýrismaður í mentamálum, hevur í kunngerð gjørt av at broyta kravið um týskt sum upptøkukrav til hugbreyt.

Tað staðfestir Mentamálaráðið á heimasíðu sínari.

Broytingin merkir, at nú fer at bera til at søkja inn á hugbreyt uttan at hava havt týskt í fólkaskúlanum. Hetta verður gjørt í einari vón um, at fleiri fara at velja hugbreytina á gymnasialum miðnámi.

- Seinastu árini hava alsamt færri søkt um upptøku til hugbreytina á gymnasialum miðnámi. Ein orsøk er helst, at týskt aftur varð sett inn sum upptøkukrav fyri nøkrum árum síðani, skrivar mmr.fo.

Á hugbreytini skulu næmingar velja fremmandamál - týskt, franskt ella spanskt. Hevur tú havt týskt í fólkaskúlanum, so kanst tú fáa týskt sum framhaldsmál á hugbreytini. Hevur tú ikki tað, ber til at velja týskt sum byrjanarmál.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder