Fyrrverandi borgarstjóri stillar nú aftur upp á Eiði

Til bygdaráðsvalið í Eiðis kommunu týsdagin 12 november hevur valnevndin góðkent tveir listar av valevnum.

Soleiðis skrivar Eiðis kommuna á heimasíðu sínari. 

Tíggju fólk eru á hvørjum lista:

Til ber eisini at síggja teir á eidi.fo

Fimm av sjey núverandi bygdaraðslimum stilla uppaftur. Tvey gera ikki.

Talan er um Fríðu Jóinsdóttir Joensen og Rógva Egilstoft. Síðstnevndi fekk nógv flest atkvøður í 2020 sat sum borgarstjóri fyrsta part av setuni, men eftir at Rógvi fór í barnsburðarfarloyvi 1. februar, kom hann ikki aftur í sessin. Hann helt fram í bygdaráðnum men stillar ikki uppaftur.

Sí eisini: Rógvi Egilstoft fer ikki aftur í borgarstjórasessin

Annsy Høghamar tók við sessinum, og borgarstjórin stillar aftur upp. Tað ger varaborgarstjórin Tonny Kruse eisini - hann fekk næstflest atkvøður seinast.

Tá stillaði Jógvan í Skorini ikki upp. Hann gjørdist í 2012 yngsti borgarstjóri í Føroyum nakrarntíð, bert 26-ára gamal, og var greiður toppskjútti á valinum í 2016 við tvífalt so nógvum atkvøðum sum nummar tvey.

Lærarin valdi tó ikki at stilla uppaftur í 2020. Nú er hann aftur á Lista A.