Fyrsta bátabólið tikið í nýtslu

Fyrsta bátabólið varð alment tikið í nýtslu í gjár á almennum hátíðarhaldi Niðri á Møl í Froðba.

Suðurrás skrivar, at fitt av fólki var komið saman í góðveðrinum at síggja og at royna bátabóli.

Neysting hevur sum endamál at varðveita føroysku neystini sum arkitektoniskan mentanararv og søgu tjóðarinnar. Hetta verður gjørt við at geva neystunum nýggja samtíðarhóskandi funktión sum ból fyri vallarar, ferðafólk og mentanaráhugaði.

Tað er neystaeigarin Beinir Debes í Froðba, sum hevur verið so beinasamur at læna sítt neyst út til fyrsta BátaBólið í Føroyum. Meiningin er, at fleiri BátaBól skulu setast upp kring landið, skrivar Suðurrás.