Fyrsti hakin settur í til nýggja barnagarðin við Gøtugjógv

Mánadagin setti borgarstjórin fyrsta hakan í til nýggja barnagarðin við Gøtugjógv.

Við hesum er klárt at fara í gongd við arbeiði at grava út til nýggja barnagarðin, ið verður í hugnaliga umhvørvinum beint niðanfyri viðarlundina við Gøtugjógv, skrivar Eysturkommuna á heimasíðuna.

Nýggi dagstovnurin verður uml. 1.300 m2 brutto í tveimum hæddum og kemur at hýsa fýra barnagarðsstovum og fýra vøggustovum, tilsamans átta stovur við tilhoyrandi inngongd, vesir, gardrobur og goymslurúmi. Frammanfyri bygningin, verður í báðum hæddum útlagt eitt spæliøki.

Dagstovnurin kemur at rúma tilsamans 112  børnum – 60 barnagarðsbørn og 52 vøggustovubørn.

Barnagarðurin verður væntandi liðugur síðst í 2021.