Galaxy á fyrsta túrinum til Havnar

Galaxy stevndi í morgun inn á Havnina á fyrsta sinni í regluligari sigling í hesum avloysaratíðarskeiðnum, meðan Smyril skal í dokk.

Grikska ferjan røkir suðuroyarsiglingina frá í dag og einar 8-10 vikur fram.

(Mynd: Sverri Egholm)

Ferðaætlanin hjá Galaxy er 14 dupultir vikuligir túrar, har ið Smyril hevur 18. Ferðin er 16 sjómíl um tíman og siglitíðin 2 tímar og 30 minuttir. Galaxy tekur 350 ferðafólk og 140 akfør, um eingin farmur er við.

Galaxy fer av Havnini aftur klokkan 10.30.

Les eisini: Kristin Michelsen um Galaxy: Eitt samferðslustig sum minnir um 70'ini