Galaxy fer av Krambatanga hvønn gerandismorgun klokkan seks

Í næstu viku tekur Galaxy yvir fyri Smyril, sum skal til sína 20-ára klassing. Hetta verður aðru ferð, at Galaxy røkir siglingina um Suðuroyarfjørð

Skipið siglir ikki eins skjótt sum Smyril - metta siglingartíðin er 2 tímar og 30 minuttir - og túratali verður tvær ferðir aftur og fram fyri hvønn dag.

Strandferðslan boðar frá, at allar fráferðatíðir gerandisdagar eru framskundaðar ein tíma. Hetta vil siga, at fyrsta fráferð úr Suðuroy verður klokkan seks allar gerandisdagar.

Fráferðartíðirnar fyri vikuskiftini eru óbroyttar.

Fráferðartíðirnar í bíleggingarskipanini verða rættar í bíleggingarskipanini frá hósdegnum 14. august, boðar SSL frá.

Ferðaætlanin tekur við tá M/F Galaxy fer í sigling leygardagin 23. august.

Ferðaætlanin hjá Galaxy sæst her