Noreg: 100 hús brend í grund

Tamarhald er ikki á stóreldi, sum hevur breitt seg í norska býnum Krokstadelva, sum liggur í Drammen kommunu.

Sambært norskum miðlum eru fleiri enn 100 hús eru brend í grund.

Eldurin kyknar í fleiri støðum. Tað er ikki tamarhald á eldinum, og tað fer tað ikki at vera í fleiri tímar. Helst ikki fyrr enn í morgin tíðliga, sigur løgreglan við VG.

Fleiri hundrað fólk eru flutt burtur frá økinum, og flogbann er sett í gildi í økinum, tí seks tyrlur eru við í sløkkiarbeiðinum.

Higartil er ein borgari koyrdur á skaðastovuna við roykskaða. Ein sløkkiliðsmaður hevur fingið lítlan skaða.

Sambært løgregluni byrjaði eldurin í einum raðhúsum seinnapartin og hevur síðan breitt seg út til onnur hús.