Innanlands

Ganga vikur áðrenn úrslitið fyriliggur

Tvey fólk deyð stutt eftir koppseting: Í fyrstu úrslitunum er kortini einki, sum bendir á, at samanhangur er millum deyðstilburðirnar og koppingarevni

Lars Fodgaard Møller (Savnsmynd: Sverri Egholm)

Lars Fodgaard Møller (Savnsmynd: Sverri Egholm)

2021-04-13 18:54 Author image
Sverri Egholm
placeholder

Tvey fólk eru deyð í Føroyum eftir at hava verið koppsett móti korona. Tað skrivaði Blaðið Vikuskifti leygardagin.

Annar deyðstilburðurin hendi 14 dagar eftir koppseting og hin millum eitt og tvey samdøgur eftir koppsseting

Rættarlæknalig líkknanning er gjørd í báðum førunum, men kanningarnar eru ikki lidnar enn, og tí ber ikki til at gera nakra niðurstøðu um koppsetingin hevur verið viðvirkandi orsøk til, at persónurin doyði, segði Lars Fodgaard Møller, landslækni, við Blaðið Vikuskifti.

Við Dag og viku í gjár segði landslæknin, at tað kunnu ganga fleiri vikur áðrenn endaliga svarið er griett, men at fólk einki hava at óttast.

- Í fyrstu úrslitunum í sambandi við líkknanningina, er einki sum bendir á, at tað er koppingarevni, sum er orsøkin til deyðstilburðin, sigur Lars Fodgaard Møller við Kringvarpið.

- Sum vit síggja tað, er eingin orsøk at vera stúrin fyri koppsetingini, sigur hann, og leggur afturat, at fáar fráboðanir um hjáárin av koppsetingum hava verið í Føroyum.

placeholder
placeholder