Gera eina roynd at finna semju

Arbeiðarafeløgini og arbeiðsgevarafelagið eru hósdagin boðin til fundarborðið. Tá fer Semingsstovnurin at gera eina roynd at finna eina semju í verkfallinum á privata arbeiðsmarknaðinum.

Hetta veit útvarpið í kvøld.

- Tað kann vera byrjanin til eina nýggja semingsroynd, men tað kann eisini enda við tí øvugta, sigur Terje Sigurðsson, semingsmaður, við útvarpið.

Prátað var við arbeiðarafeløgini í gjár og arbeiðsgevararnar í dag.