Agnar Prestá
Síðani svimjihylurin í Vágs Skúla stongdi í 2015, hevur hølið ikki verið brúkt. Tað hevur verið ein ætlan um at gera svimjihylin til eitt auditorinum, men henda ætlanin hevur næstan bert verið ein tanki.
Hetta skrivar Vágs kommuna á heimasíðu sínari, í samband við at nú er gongd komin á ætlanina.
- Í gjár gjørdi Norcon og Vágs Kommuna avtalu um, at byrja uppá arbeiði at gera auditorium í gamla svimjihylinum í Vágs Skúla. Fyri Norcon vóru tað Hjalmar Magnussen og Rúni Eyðunson og fyri Vágs Kommunu, vóru tað borgarstjórin, Bjarni Johansen, og Levi R. Mørk, formaður í Mentamálanevndini, sum skrivaðu undir.
Til fíggjarætlanina í ár, setti býráðið í Vági 750.000 krónur av til at byrja uppá arbeiðið.
Fyrsta byggistig umfatar at gera pall, sitipláss uppeftir skráninginum og saga hol í síðurnar í tí djúpa partinum av svimjihylinum, so slepast kann inn frá ganginum, har miðdeildin gongur, skrivar vagur.fo.
Vinarliga broyt tínar kennifíla - og privatlívsstillingar fyri at síggja hetta innihald