Gerhard Jónsson Mikkelsen nýggjur sóknarprestur í Fuglafirði

Í morgin, sunnudagin 6. september, byrjar Gerhard Jónsson Mikkelsen, sóknarprestur í embætinum í Fuglafjarðar prestagjaldi, skrivar heimasíðan hjá Fólkakirkjuni.

Í hesum sambandi skipar dómprósturin nýggja sóknarprestin í embætið í Fuglafjarðar kirkju sunnudagin klokkan 11.

Gerhard Jónsson Mikkelsen tekur við embætinum eftir Anne Mette Greve Klemensen, sum nú er sóknarprestur í Havnar kirkju.

Hann er kandidatur í guðfrøði frá Teologiska Fakultetinum í Keypmannahavn í 2014. Seinastu seks árini hevur hann verið sóknarprestur í Karlslunde Strandkirke í Keypmannahavn.