Sverri Egholm
Hóast áheitan frá politiska myndugleikanum um at fara til samráðingarborðið aftur, vil eingin geva seg. Semingsstovnurin gav í gjárkvøldið pørtunum ymiskar orðingar í einum møguligum sáttmála, sum tey skuldu svara á middegi.
Men svarini sum komu frá pørtunum góvu ikki grundarlag fyri nøkrum semingsuppskoti, skrivar Kringvarpið á heimasíðuni.
Undantøkini sum Sjúkrahúsverkið hevur biðið um eru longd til klokkan 15 í morgin.
Verkfallið hevur nú vart í meira enn tvær vikur. Fyrstu sjúkrarøktarfrøðingarnir fóru í verkfall mánamorgunin, 19. oktober.
Og fyribils bendir einki á, at tað fer at enda í bræði. Terji Sigurðsson, semingsmaður, sigur við útvarpið, at Semingsstovnurin ikki ger meira, uttan so at partarnir heita teir um at koma upp í samráðingarnar aftur.
Vinarliga broyt tínar kennifíla - og privatlívsstillingar fyri at síggja hetta innihald