Grønlendingar skulu velja tvey nýggj umboð - Metnógv valevni

Seinastu árini hava Aki-Matilda Høegh-Dam (vald inn fyri Siumut), og Aaja Chemnitz (Inuit Ataqatigiit) umboðað Grønland í Fólkatinginum, men hvørgin teirra stillar upp aftur.

Sostatt verða tað tvey nýggj umboð, sum verða vald í Grønlandi í dag.

Sambært grønlendska miðlinum Sermitsiaq stilla 27 valevni upp á fólktingsvalinum í Grønlandi, og tað eru metnógv.

Flokkarnir Inuit Ataqatigiit, Siumut og Demokraatit hava seks valevni hvør, Naleraq hevur fimm valevni, og Atassut hevur fýra valevni.

Á seinasta vali í 2022 stillaðu 15 valevni upp í Grønlandi.