Guðný Akralíð nýggjur radiologur á Landssjúkrahúsinum

Í heyst tekur Guðný Akralíð við føstum starvi sum serlækni í radiologi á Diagnostiska deplinum.

Hetta skrivar Landssjúkrahúsið á heimasíðu sínari. 

Guðný er útbúgvin serlækni í Danmark og er eitt kent andlit á Landssjúkrahúsinum. Hetta síðsta árið hevur hon arbeitt fyri TMC í Sydney, sum veitir telemedisinskar tænastur til heilsuverk kring allan heimin.

Talan er um annan radiologin, sum kemur í fast starv eftir, at deildin í longri tíð hevur verið mannað við vikarum burturav.