Hagstovan: Talið á løntakarum í september var 28.001

Í september var talið á løntakarum í Føroyum 28.001. Tað er nærum tað sama sum í september í fjør, tá talið á løntakarum var 27.977.

Talið á mannligum løntakarum í september var 14.367, meðan talið á kvinnuligum løntakarum var 13.634, vísa tøl frá Hagstovuni.

Av teimum 28.000 løntakarunum arbeiddu nærum 70 prosent í tænastuvinnuni, og um 15 prosent í fiskivinnu o.a. tilfeingisvinnu, og byggivinnuni.

92,4 prosent av løntakarunum vóru danskir ríkisborgarar, meðan 7,6 prosent høvdu annan ríkisborgaraskap. Tað er nærum sama býti sum í september í fjør.