Hallur Thomsen nýggjur formaður í Umboðsráðnum

Í gjár hevur Umboðsráðið hjá Betri samtakinum skipað seg eftir umboðsráðsvalið, sum var í endanum av septembur.

Nývaldur formaður er Hallur Thomsen av Argjum, viðskiftastjóri á Almannaverkinum, og næstformaður er Olaf í Garði Joensen av Eiði. 

Hanus Toftheyggj var formaður í umboðsráðum frammanundan. Hann tók í vár yvir formanssessin frá Jákupi Egholm Hansen, sum legði frá sær fyrr í ár.