Maður handtikin fyri grovt herverk

Tíðliga í morgun, beint fyri klokkan fýra, varð løgreglan boðsend í sambandi við eitt herverksmál í Eysturoynni.

Talan var um ein ungan mann, sum stóð og hoppaði og dansaði á einum persónbili.

Løgreglan hevði fólk nærindis, so tey vóru skjót á staðið, men tá løgreglan kom, var maðurin rýmdur. Tað eydnaðist tó løgregluni at finna hann aftur og handtaka hann.

– Maðurin er enn í detentiónini, og hann verður avhoyrdur seinni í dag, sigur vaktleiðarin á politistøðini. Maðurin er skuldsettur fyri grovt herverk og fær eitt endurgjaldskrav.

Annars hevur verið friðarligt hjá løgregluni í nátt.