Harðskapsmál á Eiði

Stutt fyri klokkan eitt sunnumorgunin varð ringt til løgregluna av einum campingplássi á Eiði. Tað var ein maður, sum ringdi at boða frá, at hann hevði verið útsettur fyri harðskapi.

Løgreglan kom á staðið, og maðurin varð sendur til kanningar. Men sum skilst hevur hann ongan álvarsaman skaða fingið, sigur vaktleiðarin á politistøðini.

Løgreglan hevur avhoyrt báðar partarnar umframt fleiri vitni, og brotsmaðurin er nú skuldsettur í málinum.