Harðskapsmál í Havn

Náttarlívið hevur verið rættiliga friðarligt um vikuskiftið. Tó hevur løgreglan skrásett eitt harðskapsmál í Havn.

Tað var leygarkvøldið, at nakrir persónar endaðu í bardaga, og ein teirra er nú skuldsettur fyri harðskap. Vaktleiðarin á løgreglustøðini í Havn sigur, at rúsdrekki var uppií.

Hvussu stóran skaða órættaði fekk, veit vaktleiðarin ikki at siga, men tað hevur í øllum førum verið nóg mikið til, at tað er blivið til eitt mál.