Harmoniku-samanstoytur á Tvøroyri í gjár

Ein harmoniku-samanstoytur hendir á Tvøroyri um middagsleitið í gjár. Tríggir bilar vóru við í samanstoytinum.

Samanstoyturin hendi tá ein bilur steðgaði fyri einum fótgangara. Bilurin aftanfyri steðgaði í góðari tíð, men tann triði bilurin náddi ikki at steðga. Hesin rendi í bakpartin á næsta bilinum, sum síðani stoytti saman við fremsta bilinum.

Eingin fólkaskaði stóðst av óhappinum.

Bilførarin í aftasta bilinum varð skuldsettur fyri ikki at hava hildið frástøðu. Vanliga er revsingin klipp í koyrikortið.