Hasfjord fer aftur í sigling í komandi viku

Hasfjord kom til landið í februar men fór ikki í sigling fyrrenn í mai. Fyri beint yvir trimum vikum síðani bar skipið við botn í innsiglingini í Skopun og fór síðani á beding.

Tá varð boðað frá, at tað fór at taka áleið tvær vikur. Kringvarpið skrivar, at seinni varð avgjørt at sandblása og mála botnin á Hasfjord, eftir sum hann var á beding kortini.

Strandferðslan boðar á heimasíðu sínari frá, at Hasfjord byrjar aftur í sigling á leið 85 týsmorgunin 21. juli.