Agnar Prestá
Í vár samtykti býráðið í Nes kommunu at taka av tilboði frá Innspark um at keypa nýggjan útbúnað til spæliplássini í Tofta skúla og Barnagarðinum á Svangaskarði.
Heimasíðan nes.fo skrivar, at ein heildarætlan er fyri útiøkið við skúlan, og í summar varð so fyrsta byggistigið framt í sjálvum skúlagarðinum. Talan er samanlagt um eina sera stóra íløgu, og tí er neyðugt at taka hetta í stigum.
- Í Barnagarðinum varð annars byrjað í fjør, og í summar varð so hildið fram. Nú er eisini komin nýggjur útbúnaður til vøggustovuna.
- Í fjør varð eisini ein stór íløga gjørd í spæliplássið í nýggja Frítíðarskúlanum. Innspark var eisini veitari.
Við hesum íløgum ynskir býráðið at raðsfesta og stimbra umstøðurnar hjá børnunum, tá ið tey eru uttandura, skrivar kommunan.
Fleiri myndir síggjast á nes.fo
Vinarliga broyt tínar kennifíla - og privatlívsstillingar fyri at síggja hetta innihald