Hava umvælt og lagt betonglag á

Í mai mánaða var farið undir arbeiðið at umvæla kaiøkið í Syðrugøtu.

Byrjað var at umvæla uttasta partin av sjálvum kaiendanum, sum var nógv farin av brimi. Tað arbeiðið er liðugt.

Eftir hetta var farið undir at brekka ein part av gamla bátadráttinum og síðani leggja nýtt betonglag á. Til seinast er eitt nýtt betonglag lagt á tann innasta partin av gomlu kaiini.

Ætlanin er at leggja betonglag á restina av kaiini kommandi ár.

Eisini skulu nýggj ljós setast upp og nýggj vatnføring leggast. Tað arbeiðið skal alt eftir ætlan verða liðugt í 2024.

Tað er fyritøkan Sp/f Form, sum stendur fyri arbeiðinum.

Eysturkommuna