Oda Strøm
Eftir ætlan skal havnaútbyggingin í Havn verða liðug í november 2019, og arbeiðið gongur væl - higartil heldur tíðarætlanin og fíggjarmetingin, sigur Tóki á Steig, rakstrarleiðari fyri havnaútbyggingina, sum J&K Petersen stendur fyri, við Kringvarpið.
Samanlagt skal øki svarandi til 13 fótbóltsvøllir spreingjast úr Glyvursnesi, og higartil er helvtin sprongt - einir 7 fótbóltsvøllir.
Í síðstu viku var ein stór betongkista lorað niður, har endin á nýggju kaiini er. Betongkisturnar eru ein verja ímóti, at stóru skipini renna á brimgarðin, um tey reka út eftir.
Tórshavnar Havn fær 95.000 eyka fermetrar við havnaútbyggingini og 900 metrar av eyka kaikanti. Havnaøkið verður harvið 124.000 fermetrar til støddar í endanum av 2019.
Eini 70 fólk arbeiða í løtuni við at víðka havnalagið í Havn, og 60.000 rúmmetrar av grótið verða sprongdir á Glyvursnesi hvønn dag.
Vinarliga broyt tínar kennifíla - og privatlívsstillingar fyri at síggja hetta innihald