Heini í Skorini fekk miðlaheiðurslønina

Heini í Skorini, lektari á Fróðskaparsetrinum, hevur vunnið ársins miðlaheiðursløn frá Granskingarráðnum.

Heiðurslønin varð handað honum á Vísindavøkuni í Sjóvinnuhúsinum seinnapartin.

- Við gávumildum og kompetentum samskiftishugi hevur Heini sett føroyska gransking á breddan, eisini uttanlands, var ein av mongu grundgevingunum, sum Jón Brian Hvidtfeldt, formaður í dómsnevndini, bar fram.