Heldur eingin koronasmitta í teimum nýggjastu 150 kanningunum

Meira ferð er komin á ferðingina til og frá Føroyum síðani mánadagin, og tað kann væntast, at smitta fer at verða aftur í landinum skjótt, hóast ymisk atlit verða tikin í samband við ferðing.

Les eisini: 

Øll skulu testast frá 27. juni 

Smittuleyst samfelag er ikki strategiin

Í løtuni er eingin føroyingur staðfestur smittaður við coronasmittuni. Hetta byggir á í alt 11.538 kanningar. Tað skrivar Heilsumálaráðið seinnapartin, nú seinastu kanningarúrslitini eru tøk. 150 kanningar vórðu gjørdar í gjár.

Eingin nýggjur smittutilburður er staðfestur í Føroyum síðani 22. apríl, tað vil siga í næstan tveir mánaðir. Sostatt hevur eingin fingið staðfest smittu í teimum seinastu 5.268 kanningunum.

Í alt hava 187 føroyingar fingið staðfest koronasmittuna.