Henrik Old valdur formaður í Útnorðurráðnum

Útnorðurráðið hevur í dag hildið ársfund. Orsaka av covid-19 støðuni varð fundurin á fyrsta sinni hildin sum talgild videofundur á netinum.

Í útnorðurráðnum sita umboð fyri løgtingið í Føoyum, altingið í Íslandi og landstingið í Grønlandi.

Formansskapurin í Útnorðurráðnum gongur upp á skift millum londini, og á fundinum varð Henrik Old valdur til formann hetta komandi árið, meðan Vivian Motzfeldt verður fyrsta næstforkvinna og Guðjón S. Brjánsson annar næstformaður.

Millum samtyktirnar, sum vórðu gjørdar á fundinum hesaferð var ein lýsing, sum stuðlar ynskjunum hjá Føroyum og Grønlandi at gerast atlimir í alheims heilsufelagsskapinum WHO.

Ráðið samtykti at miðsavna set um umstøðurnar hjá ungdóminum í útnorði, og hetta verður eisini evnið á ráðstevnuni, sum ráðið skipar fyri komandi ár. 

Næsti ársfundur verður hildin á heimabeitinum hjá formanninum, nevniliga í Suðuroy í døgunum 31. august og 1. september komandi ár. Ráðstevnan verður í Igaliku í Grønlandi 23. og 24. juli 2021.